Ulttar lıgasy: Qazaqstan quramasy Andorramen teń oınap jatyr
ASTANA. QazAqparat - Dál qazir Ulttar lıgasy D dıvızıony boıynsha birinshi toptaǵy Qazaqstan quramasy syrt alańda Andorramen kezdesip jatyr, dep habarlaıdy QazAqparat tilshisi.
Oıyn bizdiń qurama basymdyǵymen ótkenimen ázirge eshqandaı nátıje kelip jatqan joq. Bizdiń fýtbolshylar alań ıeleri qaqpasyna shabýyldy údetkenimen odan eshbir paıda bolmaı otyr. Andorralyqtar negizinen qorǵanys shebine kóbirek kóńil bólip júrgeni baıqalyp otyr.
Qazaqstan quramasynyń bas bapkeri Stanımır Stoılov ótken oıynnan birqatar ógerister engizdi. Bul joly negizgi quramda Erkebulan Tuńǵyshbaev pen ıÝrıı Logvınenkony alǵashqy mınýttan jasyl alańǵa shyǵardy. Grýzııamen kezdesýde olardyń ornynda Sergeı Malyı men Georgıı Jýkov bolǵan edi.
Esterińizge sala ketelik, bizdiń qurama alǵashqy týrda óz alańynda Grýzııaǵa 0:2 esebimen jol bergen edi. Andorra birinshi týrda Latvııamen 0:0 esebimen teń oınady. Grýzııalyqtar keshe Latvııany óz alańynda 1:0 esebimen tize búktirip, týrnır kestesindegi jaǵdaıyn birshama jaqsartyp aldy.
