Ulttar lıgasy: Qazaqstan Andorrany birinshi taımnan keıin 2:0 esebimen utyp jatyr
ASTANA. QazAqparat - Fýtboldan ÝEFA Ulttar lıgasy D dıvızıonynyń birinshi tobynda óner kórsetetin Qazaqstan quramasy «Astana Arenada» Andorrany qabyldady, dep habarlaıdy QazAqparat tilshisi.
Qazaqstan quramasynyń bas bapkeri Stanımır Stoılov bul joly birqatar ózgerister engizdi.
Atap aıtqanda, qorǵanysta ıÝrıı Logvınenko men Ǵafýrjan Súıimbaev, orta tusta Serikjan Mujyqov, shabýyl shebinde Erkebulan Seıdahmet pen Baýyrjan Turysbek birden alańǵa shyqty. Bapkerdiń bul ádisi óz jemisin berdi deýge bolady. Sondaı-aq Nenad Erıch (qaqpashy), Evgenıı Postnıkov, Abzal Beısebekov, Georgıı Jýkov, Baýyrjan Islamhan, Baqtıer Zaınýtdınov el namysyn qorǵady.
Andorralyqtar Jozep Gomes, Mark Vales, Mark Rebes, Ildefons Lıma (kapıtan), Mark Pýhol, Jordı Alaes, Moıses San-Nıkolas, Joan Tservos, Chýs Rýbıo, Maks Lovera, Vıktor Rodrıgeske senim artty.
Qazaqstandyqtar úshin asa mańyzdy báseke alań ıeleriniń basymdylyǵymen órbidi. Sol qanattan komanda kapıtany B.Islamhannyń áýelete asyrǵan dobyn E.Seıdahmet baspen baǵyttaǵanymen, qaqpadan qıys ketti. Biraq kóp uzamaı, 21-mınýtta dál osyndaı jaǵdaıda Erkebulan Baýyrjannyń tamasha pasynan keıin esep ashty - 1:0. Bul reseılik «Ýfa»klýbynda oınaıtyn «Qazaq Messıi» atanǵan 18 jasar E.Seıdahmettiń Qazaqstan quramasy úshin resmı matchtaǵy alǵashqy goly edi. Ol bıylǵy 23 naýryzda Vengrııamen ótken birinshi oıynynda dop soǵyp, kózge túsken edi. Biraq ol joldastyq kezdesý bolatyn.
Abzal Beısebekovtiń qaýipti soqqysyn Jozep Gomes qaıtaryp úlgerse, E.Seıdahmettiń pasynan keıin B.Turysbektiń baspen urǵan doby qaqpadan joǵary ketti.
Andorralyqtar da qarap qalmaı, N.Erıch qorǵaǵan qaqpaǵa qaýip tóndirdi.
Erkebulan men Baýyrjan Turysbektiń birin-biri túsinisip oınaýy 39-mınýtta aıqyn kórindi. Aıyp alańyna ádemi kirgen E.Seıdahmettiń pasynan keıin Baýyrjan qaqpa buryshyn dál kózdedi - 2:0.
Budan keıin de qazaqstandyqtar qonaqtar qaqpasyn jıi qaraýylǵa alǵanymen, esep ózgergen joq.
Osylaısha birinshi taımnan keıin Qazaqstan Andorrany 2:0 esebimen jeńip jatyr.
Eske sala keteıik,budan buryn Ulttar lıgasynda Qazaqstan quramasynyń múmkindigi qandaı ekendigin jazǵan bolatynbyz.
foto: kff.kz
