Ulttar lıgasy: Іrikteý kezeńi márege jetti
ASTANA. QazAqparat - Fýtboldan Ulttar lıgasynyń irikteý kezeńi aıaqtaldy. Oǵan qatysqan ulttyq quramalardyń keler joly qaı lıgada oınaıtyny tolyqtaı belgili boldy, dep habarlaıdy QazAqparat tilshisi.
Biz budan buryn Ulttar lıgasynyń fınaldyq kezeńinde synǵa túsetin quramalardyń anyqtalǵany jóninde habarlaǵan edik. Onda A lıgasynda óz toptarynda birinshi oryn alǵan Gollandııa, Shveıtsarııa, Portýgalııa jáne Anglııa quramalary ózara myqtyny anyqtaıdy.
Endi qaı lıgada kimder joǵarylady jáne qaısysy tómengi lıgaǵa túsip qalǵanyn aıta keteıik.
A lıgasynan Germanııa, Islandııa, Polsha, Horvatııa kelesi Ulttar lıgasynda V lıgasynda baq synaıtyn boldy. Olardyń ornyn Ýkraına, Shvetsııa, Bosnııa jáne Gertsogovına, Danııa quramalary basty.
Al V lıgasynan S lıgasyna Slovakııa, Túrkııa, Soltústik Irlandııa, Irlandııa quramalary tússe, olardyń ornyna S lıgasynan Shotlandııa, Fınlıandııa, Norvegııa, Serbııa quramalary keldi.
S lıgasynan D lıgasyna Albanııa, Estonııa, Slovenııa, Lıtva quramalary tómendese, D lıgasynda jeńimpaz bolǵan Grýzııa, Belarýs, Kosovo, Makedonııa quramalary joǵarylady.
Budan buryn Ulttar lıgasynyń talaby men tártibi jóninde habarlaǵan edik.
Qazaqstan quramasy atalmysh dop dodasynyń D lıgasy birinshi tobynda synǵa tústi. Barlyǵy 6 oıyn ótkizip, onyń biri jeńispen aıaqtaldy, úsheýinde teń nátıje tirkelse, eki oıynda qarsylasyna ese jiberdi. Alǵashqy týrda óz alańynda Grýzııadan 0:2 esebimen jeńilse, odan keıin aldymen Andorra, sosyn Latvııamen 1:1 esebimen teń nátıje tirkeldi. Al tórtinshi týrda elordada Andorrany 4:0 esebimen jeńgenimen, besinshi týrda óz alańynda Latvııamen taǵy da 1:1 esebimen teń tústi. Sońǵy oıynda syrt alańda Grýzııaǵa 1:2 esebimen jol berdi.
Ulttar lıgasy fınaldyq satysynyń jerebesi ústimizdegi jyldyń 3 jeltoqsanynda tartylady. Jarys jartylaı fınal, úshinshi oryn úshin saıys jáne fınaldan turady. Sondaı-aq, 2 jeltoqsanda Irlandııa astanasy - Dýblın qalasynda 2020 jylǵy Eýropa birinshiligi irikteý kezeńiniń jerebesi tartylady.
