Ulttar lıgasy: Birinshi kezeńde Qazaqstan men Belarýs teń túsip jatyr
NUR-SULTAN. QazAqparat - Búgin UEFA Ulttar lıgasynyń ekinshi týrynda Qazaqstan quramasy óz alańynda Belarýsty qabyldaýda, dep habarlaıdy QazAqparat tilshisi.
Dál qazir birinshi kezeń aıaqtaldy. Eki qurama bir-biriniń qaqpasynan sańylaý taba alǵan joq. Birinshi kezeń esebi - 0:0.
Esterińizge sala ketelik, Belarýs quramasy qazaqstandyq jankúıerlerge jaqsy tanys. Eki qurama buǵan deıin úsh márte jasyl alańda kezdesken. Alǵashqyda olardyń joly 2010 jylǵy Eýropa chempıonatyna irikteý satysynda túıisti. 2009 jyldyń 1 sáýirinde Almatyda ótken oıynda qazaqstandyq qurama atalǵan qarsylasyna 1:5 esebimen jol berdi. Al sol jyldyń 10 qazanynda Belarýstyń Brest qalasyndaǵy kezdesýde alań ıeleri Qazaqstan quramasynan 4:0 esebimen basym tústi. Qazaqstandyq qurama sol ketken eseni búgin qaıtarady degen senimdemiz.
Qazaqstan quramasy 4 qyrkúıekte syrt alańda Lıtvany 2:0 esebimen jeńip qaıtty. Osylaısha dop dodasyn sátti bastady. Al Belarýs óz alańynda Albanııaǵa 0:2 esebimen ese jiberdi. Týrnır kestesinde qazaqstandyq fýtbolshylar Albanııa quramasy ekeýi alǵashqy eki oryndy ózara bólisip tur.
