Ulttar lıgasy: Birinshi kezeńde Qazaqstan quramasy Latvııany jeńip jatyr
ASTANA. QazAqparat - Dál qazir elordadaǵy «Astana-Arena» stadıonynda fýtboldan Eýropa Ulttar lıgasy toptyq kezeńinde Qazaqstan quramasy Latvııany qabyldap jatyr, dep habarlaıdy QazAqparat tilshisi.
Atalmysh oıyn toptyq kezeńdegi ekinshi oryn taǵdyryn sheshedi. Qazir topta Qazaqstan dál sol orynda tur. Eger Latvııa Astanadan úsh upaı oljalap qaıtsa, olardyń upaı sany teńesedi. Latyshtar bizdiń aldymyzǵa túsip ketýi de ábden múmkin.
Qazaqstan quramasynyń bas bapkeri Stanımır Stoılov alǵashqy mınýttan negizgi quramǵa Nenad Erıch, Ǵafýrjan Súıimbaev, Sergeı Malyı, ıÝrıı Logvınenko, Abzal Beısebekov, Georgıı Jýkov, Baýyrjan Islamhan, Serikjan Mýjıkov, Bahtıer Zaınýtdınov, Roman Mýrtazaev, Baýyrjan Turysbekterdi qosty. Al Latvııa quramasy sapynda Andrıs Vanın, Vladıslav Gabov, Kaspars Dýbra, Vıtalıı ıAgodınskı, Vıtalıı Maksımenko, Igor Tarasov, Andreı Tsıganık, Vıacheslav Isaev, Denıs Rakel, Artýr Karashaýsks, Valerıı Shabala shyqty.
Qazaqstan quramasynyń oıynshylary osyny jaqsy túsinedi. Kezdesý bastala salysymen alǵa qaraı umtyla tústi. Birinshi kezeń barysynda shabýyl shebinde bizdiń jigitter kórinip jatty. Latyshtar bir-ekili shabýylǵa shyqty. Degenmen ol bizdiń qaqpaǵa eshqandaı qaýip alyp kele qoıǵan joq.
Birinshi kezeńde soǵylǵan jalǵyz Qazaqstan quramasynyń qorǵaýshysy Ǵafýrjan Súıimbaevtyń enshisine jazyldy. Ol 37-mınýtta soǵyldy. Sondaı-aq, búgin osy toptaǵy Andora men Grýzııa quramalary kezdesedi.
