Ulttar lıgasy 2020/21 jylǵy kezeńiniń oıyn kúntizbesi jarııalandy
NUR-SULTAN. QazAqparat - UEFA resmı saıty Ulttar lıgasy 2020/21 jylǵy kezeńiniń oıyn kúntizbesin jarııalady, dep habarlaıdy QazAqparat tilshisi uıym saıtyna silteme jasap.
Esterińizge sala ketelik, Qazaqstan S lıgasynyń tórtinshi tobynda synǵa túsedi. Qarsylastary - Albanııa, Belarýs jáne Lıtva quramalary.
Oıyndar 2020 jyldyń qyrkúıek jáne qarasha aılarynyń aralyǵynda ótkiziledi. Qazaqstandyq fýtbolshylar alǵashqy jáne sońǵy kezdesýlerin de syrt alańda oınaıdy.
Qazaqstan quramasy 4 qyrkúıekte syrtta Lıtvamen kezdesse, 7 qyrkúıekte óz alańynda Belarýsti qabyldaıdy. Al 11 qazanda óz alańynda Albanııamen sheberlik baıqassa, 15 qazanda Belarýs eline attanady. Sondaı-aq, 15 qarashada syrtta Albanııamen kezdesse, 18 qarashada óz alańynda Lıtvamen sheberdik baıqasady.
Ulttar lıgasy oıyndary bıyl ekinshi márte uıymdastyrylyp otyr. 2018/2019 jylǵy kezeńde qazaqstandyq fýtbolshylar D lıgasynyń birinshi tobynda Grýzııa, Latvııa jáne Andorramen oınady. Grýzııany alǵa shyǵaryp, atalǵan topta ekinshi oryndy mise tutty.
