Ulttar lıgasy: Qazaqstan quramasy Slovenııadan iri eseppen jeńildi
ASTANA. KAZINFORM - Qazaqstan quramasy UEFA Ulttar lıgasyndaǵy ekinshi oıynyn Slovenııaǵa qarsy ótkizdi.
El quramasy V lıgasy úshinshi tobynda Norvegııa, Slovenııa jáne Avstrııa quramalarymen synǵa túsedi.
Kezdesý barysynda slovenııalyq fýtbolshylar jyldam gol soǵý múmkindigin izdedi. Nátıjesinde olardyń qatarynan Benıamın Sheshko 23, 28-mınýtta eki gol soǵyp ketti. Ol budan buryn 2024 jylǵy Eýropa chempıonatyna irikteý kezeńinde de qazaqstandyq quramaǵa belgilengen penaltıden bir goldyń avtory atanǵan edi.
Slovenııalyq shabýylshy 63-mınýtta taǵy bir márte kózge túsip, het-trıktiń avtory atandy.
Osylaısha Qazaqstan qarsylasyna 0:3 esebimen ese jiberdi.
Óz tarıhynda eki qurama 2024 jylǵy Eýropa chempıonaty irikteý kezeńinde kezdesip, eki oıynda da qazaqstandyq fýtbolshylar qarsylasyna 1:2 esebimen jol berdi.
Endi el quramasy 10 qazanda syrt alańda Avstrııamen kezdesse, 13 qazanda óz alańynda Slovenııany qabyldaıdy.
Eske salsaq, qazaqstandyq fýtbolshylar budan buryn Ulttar lıgasynyń alǵashqy týrynda Qazaqstan quramasy Norvegııamen 0:0 esebimen teń tústi.
