Ulttar lıgasy: Qazaqstan quramasy Slovakııaǵa ese jiberdi
ASTANA. KAZINFORM – Fýtboldan Qazaqstan quramasy UEFA Ulttar lıgasy ekinshi týrynda syrt alańda Slovakııamen kezdesti.
Slovakııa quramasynyń bas bapkeri Vladımır Vaıss Qazaqstanmen kezdesýge negizgi kóshbasshy oıynshylardy shaqyrdy. Olardyń qatarynda «Fenerbahche» qorǵaýshysy ári kapıtan Mılan Shkrınıar, madrıdtik «Atletıko» oıynshysy Davıd Gantsko, «Napolı» jartylaı qorǵaýshysy Stanıslav Lobotka jáne «Tottenhem» qaqpashysy Martın Dýbravka bar.
Kezdesý barysynda slovakııalyq fýtbolshylar belsendilik kórsetti. Nátıjesinde olardyń qatarynan Leo Saýer 26-mınýtta esep ashsa, 35-mınýtta Ramazan Kárimov tarazy basyn teńestirdi.
Oıynnyń 82-mınýtynda slovakııalyq Davıd Gantsko qorytyndy esepti belgiledi.
Osylaısha Qazaqstan quramasy qarsylasyna 1:2 esebimen ese jiberdi. Endi olar 2 qazanda elordada Moldovamen kezdesedi.
Aıta ketsek, alǵashqy týrda Qazaqstan syrt alańda Farer araldarymen 1:1 esebimen teń tússe, Slovakııa óz alańynda Moldovany 2:0 esebimen qapy qaldyrdy.
Al buǵan deıin Slovakııa quramasy Qazaqstanǵa qarsy quramyn jarııalaǵanyn jazdyq.
Jalpy, qazaqstandyq fýtbolshylar 2024/25 jylǵy maýsymda V lıgasynda úshinshi topta alty kezdesýdiń beseýinde jeńilip, bireýinde teń oınady. Saldarynan óz tobynda tórtinshi oryndy mise tutyp, qaıtadan S lıgasyna túsip qaldy.
