Ulttar lıgasy: Qazaqstan quramasy Aýstrııadan jeńilip qaldy

ASTANA. KAZINFORM - Búgin fýtboldan Qazaqstan quramasy UEFA Ulttar lıgasynyń V dıvızıonyndaǵy besinshi oıynyn Almatyda Aýstrııaǵa qarsy ótkizdi.

Kezdesý barysynda el quramasy birqatar qıyndyqqa tap boldy. Alǵan jaraqatyna baılanysty Marat Bystrov, sary qaǵazdyń kóptigine oraı Nuraly Álip kezdesýge qatysa almaıtyny belgili boldy. 
Bas bapker Stanıslav Cherchesov alǵashqy mınýttan qaqpada Stas Pokatılovqa senim bildirdi. Al qorǵanysta ıAn Vorogovskıı, Aleksandr Marochkın, Álibek Qasym, Sultanbek Astanov oınasa, jartylaı qorǵanysta Aslan Darabaev, Ashat Taǵybergen, Baýyrjan Islamhan, Baktıer Zaınýtdınovke senim artyldy. Al Abat Aıymbetov pen Maksım Samorodov shabýyl shebinde boı kórsetti.
Alǵashqy mınýttan aýstrııalyq fýtbolshylar belsendilik tanytty. Nátıjesinde olardyń qatarynan Krıstof Baýmgartner 15-mınýtynda esep ashsa, 25-mınýtta Mıhael Gregorıch basymdyqty arttyrdy.
Aıta ketsek, dóreki qımylyna baılanysty Aleksandr Marochkın 23-mınýtta alańnan qýylyp ketti.
Osylaısha Qazaqstan quramasy qarsylasyna 0:2 esebimen jeńilip qaldy. Saldarynan olar Ulttar lıgasynyń aldaǵy jańa maýsymynda qaıtadan S lıgasynda oınaıtyn boldy.
El quramasy atalǵan týrnırdiń úshinshi tobynda synǵa túsip jatyr. Qarsylastary - Norvegııa, Slovenııa jáne Avstrııa quramalary.
Qazirge deıin qazaqstandyq fýtbolshylar óz alańynda Norvegııamen 0:0 esebimen teń tústi. Odan keıin syrt alańda Slovenııaǵa 0:3, Aýstrııaǵa 0:4, óz alańynda Slovenııaǵa 0:1 esebimen jol berdi.

Endi el quramasy 17 qarashada syrt alańda Norvegııamen sheberlik baıqasady.