Ulttar lıgasy: Qazaqstan quramasy Moldovaǵa ese jiberdi
ASTANA. KAZINFORM — Búgin fýtboldan 2026 jylǵy UEFA Ulttar lıgasy besinshi týrynda Moldova — Qazaqstan kezdesýi aıaqtaldy.
Qazirge deıin el quramasy tórt oıyn ótkizip úlgerdi. Qazirge deıin otandastarymyz Farer araldarymen (1:1, 2:2) eki márte teń tússe, odan keıin Slovakııa (1:2) men Moldova (1:2) quramasyna ese jiberdi.
Al Moldova quramasy Slovakııadan eki márte (0:2, 0:4) jeńilse, Farer araldarymen (1:1) teń túsip, Qazaqstandy (2:0) jeńdi.
Nátıjesinde Moldova 4 upaımen ekinshi orynda tusa, otandastarymyz 2 upaımen sońǵy oryndy mise tutty. Sondyqtan eki qurama úshin de búgingi kezdesýdiń mańyzy zor edi.
Alǵashqy mınýttan alǵa umtylǵan qarsylastar bir-biriniń qaqpasyna jyldam gol soǵýǵa tyrysty. Degenmen dittegen maqsatyna jete almaı jatty. Oıynnyń 39-mınýtynda moldovalyq Petr Popeský óz múmkindigin múlt jibergen joq.
Ekinshi kezeńde qazaqstandyq fýtbolshylar tarazy basyn teńestirýge umtyldy. Nátıjesinde el quramasynan Islam Chesnokovtiń 51-mınýtta alystan tepken doby qaqpa torynda týlap jatty. Odan keıin de el quramasynyń esepti ulǵaıtatyn birneshe múmkindigi boldy.
Esesine Petr Popeský 77-mınýtta taǵy bir márte kózge tústi.
Osylaısha Qazaqstan quramasy qarsylasyna 1:2 esebimen ese jiberdi.
Bul toptaǵy taǵy bir kezdesý 13 qarashadan 14-ne qaraǵan túni Qazaqstan ýaqytymen 00:45–te Slovakııa — Farer araldary kezdesedi.
