Ulttar lıgasy: Qazaqstan quramasy qatarynan úshinshi márte jeńildi

ASTANA. KAZINFORM — Búgin, 13 qazanda fýtboldan Qazaqstan quramasy UEFA Ulttar lıgasynyń V dıvızıonynda tórtinshi oıynyn Slovenııaǵa qarsy ótkizdi.

Atalǵan týrnırde qazaqstandyq fýtbolshylar áli jeńistiń kiltin taba almaı keledi. Buǵan deıin úsh kezdesýdiń bireýinde teń oınasa, ekeýinde qarsylastaryna ese jiberip qoıdy. 

Bul jóninen Slovenııa quramasy da alda turǵan joq. Qazirge deıin nebári tórt upaıdy mise tutqan olar búgingi kezdesýde jeńiske jetý jolyn izdeıtini belgili edi.

Kezdesý barysynda qos qurama bir-biriniń qaqpasynan sańylaý taba alǵan joq. Oıynnyń birinshi kezeńinde qazaqstandyq shabýylshy Abat Aıymbetovtiń alystan tepken doby qaqpa baǵanasyna tıip, keıin qaraı serpildi. Slovenııalyq fýtbolshylardyń da gol soǵatyn birneshe múmkindigi boldy. Degenmen tablodaǵy esepke ózgeris engen joq.

Ekinshi kezeńniń alǵashqy mınýttarynda slovenııalyq fýtbolshylardyń belsendiligi baıqaldy. Nátıjesinde 53-mınýtta olardyń qatarynan ıAn Mlakar óz quramasyn alǵa shyǵardy.

Osylaısha qazaqstandyq fýtbolshylar qarsylasyna 0:1 esebimen ese jiberdi.

Eki qurama qazirge deıin úsh márte kezdesip, barlyǵynda slovenııalyq fýtbolshylar úsh upaıǵa qol jetkizgen edi.

Endi el quramasy aldaǵy eki oıynyn qarasha aıynda ótkizedi. Aldymen 11 qarashada óz alańynda Avstrııany qabyldasa, 14 qarashada syrt alańda Norvegııamen kezdesedi.