Ulttar lıgasy: Qazaqstan quramasy Farer araldarymen teń oınady
ASTANA. KAZINFORM — Búgin fýtboldan UEFA Ulttar lıgasy tórtinshi týrynda Qazaqstan quramasy elordada Farer araldaryn qabyldady.
Kezdesý barysynda qarsylastar jyldam gol soǵatyn múmkindik izdedi. Alǵashqy mınýttarda qazaqstandyq fýtbolshylardyń belsendiligi baıqalyp turdy. Degenmen olar dittegen maqsatyna jete almaı jatty. Esesine 22-mınýtta óz qaqpasyna gol jiberip aldy. Bul goldy farerlik Petýr Knýdsen óziniń enshisine jazdy. Odan keıin qazaqstandyq fýtbolshylar tarazy basyn teńestirýge umtyldy. Soǵan qaramastan tablodaǵy esepke ózgeris engen joq.
Ekinshi kezeńde farerlik Geza Davıd Týrı 63-mınýtta esepti ústemeleı tússe, olardyń qatarynan Martın Agnasson 65-mınýtta qyzyl qaǵazben alańnan qýyldy.
Oıynnyń 65-mınýtynda qazaqstandyq Sergeı Malyı esep aıyrmasyn qysqartsa, Nuraly Álip 76-mınýtta tarazy basyn teńestirdi.
Osylaısha qarsylastar 2:2 esebine qanaǵat bildirdi.
Endi otandastarymyz aldaǵy oıynyn 13 qarashada syrt alańda Moldovaǵa qarsy ótkizedi.
Aıta ketsek, qazirge deıin el quramasy úsh oıyn ótkizip úlgerdi. Aldymen Farer araldarymen (1:1) teń tússe, odan keıin Slovakııa (1:2) men Moldova (1:2) quramasyna ese jiberdi.
