Ulttar lıgasy: Qazaqstan besinshi oıynyn búgin Aýstrııaǵa qarsy ótkizedi
ASTANA. KAZINFORM - Búgin fýtboldan Qazaqstan quramasy UEFA Ulttar lıgasynyń V dıvızıonyndaǵy besinshi oıynyn Almatyda Aýstrııaǵa qarsy ótkizedi.
El quramasy atalǵan týrnırdiń úshinshi tobynda synǵa túsip jatyr. Qarsylastary - Norvegııa, Slovenııa jáne Avstrııa quramalary.
Qazirge deıin qazaqstandyq fýtbolshylar óz alańynda Norvegııamen 0:0 esebimen teń tústi. Odan keıin syrt alańda Slovenııaǵa 0:3, Aýstrııaǵa 0:4, óz alańynda Slovenııaǵa 0:1 esebimen jol berdi.
Aýstrııa jáne Qazaqstan kezdesýi elorda ýaqytymen 20.00-de bastalady. Oıyn «Qazsport» telearnasynan tikeleı efırde kórsetiledi.
Eki qurama buǵan deıin bes márte kezdesti. Qazaqstandyq fýtbolshylar eki márte qarsylasyna ese jiberse, ekeýinde quramalar teń nátıjege qanaǵat bildirdi. Aldymen 2010 jylǵy Eýropa chempıonaty irikteý kezeńinde A tobynda 0:2 esebimen jeńilip, 0:0 esebimen teń oınady. Odan keıin 2012 jyly álem chempıonaty irikteý kezeńinde S tobynda aldymen 0:0 esebimen tirkelse, syrt alańda qarsylasqa 0:4 esebimen jeńildi.
Qazaqstan quramasynyń bas bapkeri Stanıslav Cherchesoov aldaǵy kezdesýge tómendegi oıynshylarǵa senim artyp otyr.
Qaqpashylar: Igor Shatskıı («Aqtóbe»), Stas Pokatılov («Tobyl»), Temirlan Anarbekov («Jeńis»);
Qorǵaýshylar: Álibek Qasym («Aqtóbe»), Aleksandr Marochkın, ıAn Vorogovskıı, Marat Bystrov (barlyǵy – «Astana»), Nuraly Álip («Zenıt», Reseı), Roman Asrankýlov, Erkin Tapalov (ekeýi de – «Tobyl»), Sultanbek Astanov («Ordabasy»), Ular Jaqsybaev («Qyzyljar»), Ádilbek Jumahanov («Atyraý»), Meırambek Qalmyrza, Ashat Baltabekov (ekeýi de – «Jetisý»);
Jartylaı qorǵaýshylar: Ashat Taǵybergen, Baýyrjan Islamhan (ekeýi de – «Ordabasy»), Maksım Samorodov («Ahmat», Reseı), Baqtıer Zaınýtdınov («Beshıktash», Túrkııa), Aslan Darabaev («Elimaı»), Elhan Astanov («Astana»), Islam Chesnokov («Tobyl»), Ǵalymjan Kenjebek («Akrıtas», Kıpr);
Shabýylshylar: Abat Aıymbetov («Adana Demırspor», Túrkııa), Aıbar Jaqsylyqov («Qaısar»), Ramazan Kárimov («Astana»), Jan Álı Paırýz («Elimaı»).
