Ulttar lıgasy: Qazaqstan áıelder quramasynyń aldaǵy eki oıyny qaı alańda ótedi

Fýtboldan Qazaqstan áıelder quramasynyń ÝEFA Ulttar lıgasy toptyq kezeńi aıasyndaǵy óz alańyndaǵy aldaǵy eki oıyny qaı alańda ótetini belgili boldy, dep habarlaıdy Kazinform.

Qazaqstandyq fýtbolshylar ÝEFA Ulttar lıgasynyń toptyq kezeńiniń qorytyndy eki oıynynda 1 jáne 5 jeltoqsanda Estonııa jáne Armenııamen kezdesedi.

Eki oıyn da «Astana Arena» stadıonynda ótedi.

Estonııaǵa qarsy match 1 jeltoqsanda Astana ýaqytymen 20:00-de bastalady.

Al 5 jeltoqsanda Armenııaǵa qarsy match josparlanǵan. Oıynnyń bastalýy – 21:00-de.

Eki kezdesýdi de Qazsport telearnasy kórsetedi.

Eske salsaq, tórt týrdan keıin Qazaqstan quramasy 5 upaımen úshinshi orynda kele jatyr. Buǵan deıin el quramasy Estonııa (0:0), Armenııa (2:1) jáne Izraılge (0:2, 0:0) qarsy oınady.