Ulttar lıgasy: Qazaqstan áıelder quramasy Lıhtenshteındi jeńdi

ASTANA. KAZINFORM — Fýtboldan Qazaqstan áıelder quramasy UEFA Ulttar lıgasynda Lıhtenshteındi jeńdi.

Kezdesý barysynda Karına Berikova dýbl avtory atansa, Áselhan Turlybekova men Madına Jańataeva bir goldan soqty.

Osylaısha qarsylasynan 4:0 esebimen basym tústi.

El quramasy Ulttar lıgasy S dıvızıony úshinshi tobynda synǵa túsip jatyr. Qarsylastary — Armenııa, Lıýksembýrg jáne Lıhtenshteın.

Alǵashqy eki oıynda qazaqstandyq fýtbolshylar Armenııaǵa 0:2 esebimen jeńilse, odan keıin Lıýksembýrgpen 2:2 esebimen teń tústi. Al úshinshi týrda Lıhtenshteındi 4:0 esebimen tize búktirse, tórtinshi týrda 3:2 esebimen basym tústi.

Endi qazaqstandyq fýtbolshylar 3 maýsymda Lıýksembýrgpen kezdesedi. Bul oıynda atalǵan topta qaı quramanyń birinshi oryn alatyny sheshiledi.

Aıta ketsek, qazaqstandyq fýtbolshylar 23 mamyrda oqý-jatttyǵý jıyny Almaty qalasyndaǵy «Qaırat» fýtbol klýbynyń bazasynda bastaldy. Daıyndyq barysynda Qyrǵyzstan quramasymen (3:1, 2:1) eki joldastyq kezdesý ótkizdi.