Ulttar lıgasy: Qazaqstan áıelder quramasy búgin Armenııamen kezdesedi
ASTANA. KAZINFORM - Fýtboldan Qazaqstan áıelder quramasy búgin UEFA Ulttar lıgasy tórtinshi týrynda óz alańynda Armenııany qabyldaıdy.
Oıyn «Astana Arena» stadıonynda ótkiziledi. Kezdesý qazaqstandyq ýaqytpen 18:00-de bastalyp, «QazSport» telearnasynan tikeleı efırde kórsetiledi.
El quramasy S dıvızıony úshinshi tobynda synǵa túsip jatyr. Qarsylastary - Armenııa, Lıýksembýrg jáne Lıhtenshteın.
Alǵashqy eki oıynda qazaqstandyq fýtbolshylar Armenııaǵa 0:2 esebimen jeńilse, odan keıin Lıýksembýrgpen 2:2 esebimen teń tústi. Al úshinshi týrda Lıhtenshteındi 4:0 esebimen tize búktirdi.
Qazir týrnır kestesinde el quramasy tórt upaımen úshinshi orynda tur. Alǵashqy eki oryndaǵy Lıýksembýrgtiń 7, Armenııanyń 6 upaıy bar. Tórtinshi oryndaǵy Lıhtenshteınniń ázirge qorjyny bos.
Sońǵy eki kezdesýde qazaqstandyq fýtbolshylar 30 mamyrda óz alańynda Lıhtenshteındi qabyldasa, odan keıin 3 maýsymda Lıýksembýrgpen kezdesedi.
Bul toptan alǵashqy eki orynǵa turaqtaǵan quramalar jarystyń kelesi satysyna joldama alady. Onda V dıvızıonyna joldama sarapqa salynady.