Ulttar lıgasy: Qazaqstan áıelder quramasy Armenııadan basym tústi

ASTANA. KAZINFORM — Fýtboldan Qazaqstan áıelder quramasy búgin UEFA Ulttar lıgasy tórtinshi týrynda óz alańynda Armenııany qabyldady.

Atalǵan oıynǵa deıin týrnır kestesinde el quramasy tórt upaımen úshinshi orynda turǵan edi. Alǵashqy eki oryndaǵy Lıýksembýrgtiń -7, Armenııanyń — 6 upaı enshiledi. 

Bul toptan alǵashqy eki orynǵa turaqtaǵan quramalar jarystyń kelesi satysyna joldama alady. Onda V dıvızıonyna joldama sarapqa salynady.

Sondyqtan búgingi kezdesýde quramalar tartysty oıyn ótkizetini anyq edi. Oıynnyń birinshi kezeńinde qarsylastar bir-biriniń qaqpasynan sańylaý taba alǵan joq.
Ekinshi kezeńde qazaqstandyq Ámına Bıbosynova 48, 55-mınýtta eki márte mergendigimen kózge tústi. Odan keıin armenııalyq fýtbolshylar eki gol soǵyp ketti.

Al 71-mınýtta Áıgerim Aıtymova qaıtadan Qazaqstandy alǵa shyǵardy.
Osylaısha Qazaqstan quramasy qarsylasynan 3:2 esebimen basym túsip, týrnır kestesinde jeti upaımen ekinshi orynǵa kóterildi.

El quramasy S dıvızıony úshinshi tobynda synǵa túsip jatyr. Qarsylastary — Armenııa, Lıýksembýrg jáne Lıhtenshteın.

Alǵashqy eki oıynda qazaqstandyq fýtbolshylar Armenııaǵa 0:2 esebimen jeńilse, odan keıin Lıýksembýrgpen 2:2 esebimen teń tústi. Al úshinshi týrda Lıhtenshteındi 4:0 esebimen tize búktirdi.

Endi qazaqstandyq fýtbolshylar 30 mamyrda óz alańynda Lıhtenshteındi qabyldasa, odan keıin 3 maýsymda Lıýksembýrgpen kezdesedi.