Ulttar lıgasy: Germanııa quramasy óz alańynda Vengrııany qabyldaıdy

ASTANA. KAZINFORM - Búgin UEFA Ulttar lıgasynda birinshi týrdyń sońǵy oıyndary ótedi. A lıgasynda óner kórsetetin Germanııa quramasy óz alańynda Vengrııany qabyldaıdy. Oıyn Astana ýaqytpen 23:15-te bastalady.

Sondaı-aq dál sol ýaqytta atalǵan topta Nıderland pen Bosnııa quramalary synǵa túsedi. Alǵashqysy «Qazsport» telearnasynan tikeleı efırde kórsetilse, ekinshi oıyndy sol telearnanyń saıtynan tamashalaýǵa bolady.

Al, 20:30-da V lıgasyndaǵy ekinshi topta Irlandııa men Anglııa kezdesýi belgilengen. Bul oıyndy jankúıerler «Qazsport» telearnasynan kóre alady. Atalǵan topta búgin Grekııa men Fınlıandııa kezdesýi bolady.

Aıta ketsek, 6 qyrkúıekte V lıgasyndaǵy úshinshi topta synǵa túsip jatqan Qazaqstan quramasy óz alańynda Norvegııamen 0:0 esebimen teń oınady. Bul toptaǵy Slovenııa men Avstrııa quramalary da 1:1 esebine qanaǵat bildirdi.