Ulttar lıgasy: fýtboldan Qazaqstan quramasynyń keńeıtilgen quramy jarııalandy

ASTANA. KAZINFORM – Fýtboldan Qazaqstan ulttyq quramasynyń Ulttar lıgasy aıasyndaǵy Norvegııa men Slovenııaǵa qarsy matchtarǵa keńeıtilgen quramy jarııalandy.

Bas bapker Stanıslav Cherchesov qyrkúıek aıynda ótetin ÝEFA Ulttar lıgasy aıasyndaǵy eki oıynǵa shaqyrylǵan oıynshylardyń keńeıtilgen tizimin jarııa etti. Ulttyq qurama Norvegııa (6 qyrkúıek) men Slovenııaǵa (9 qyrkúıek) fýtbolshylarymen sheberlik baıqasady. Tizimge 36 oıynshy engizilgen. Naqty tizim shyqqanǵa deıin ózgeris bolýy múmkin.

Qaqpashylar: Igor Shatskıı («Aqtóbe»), Aleksandr Zarýtskıı («Astana»), Stas Pokatılov («Tobyl»), Temirlan Anarbekov («Jeńis»);

Qorǵaýshylar: Sergeı Malyı, Temirlan Erlanov, Saǵadat Tursynbaı, Sultanbek Astanov (bári – «Ordabasy»), Roman Asrankýlov, Erkin Tapalov (ekeýi de – «Tobyl»), Aleksandr Marochkın, ıAn Vorogovskıı, Marat Bystrov (bári – «Astana»), Mıhaıl Gabyshev («Elimaı»), Álibek Qasym («Aqtóbe»), Nuraly Álip («Zenıt», Reseı), Lev Skvortsov («Shınnık», Reseı), Talgat Kýsıapov («KAMAZ», Reseı), Ashat Baltabekov («Jetisý»), Ular Jaqsybaev («Qyzyljar»);

Jartylaı qorǵaýshylar: Ashat Taǵybergen, Baýyrjan Islamhan, Aıbol Ábiken (bári – «Ordabasy»), Ramazan Orazov («Sılkeborg», Danııa), Maksım Samorodov («Ahmat», Reseı), Arman Keńesov («Aqtóbe»), Baktıer Zaınýtdınov («Beshıktash», Túrkııa), Islambek Qýat, Abzal Beısebekov (ekeýi de – «Astana»), Aleksandr Zýev, Islam Chesnokov (ekeýi de – «Tobyl»);

Shabýylshylar: Abat Aıymbetov («Adana Demırspor», Túrkııa), Aıbar Jaqsylyqov («Qaısar»), Oralhan Ómirtaev (BATE, Belarýs), Elhan Astanov, Ramazan Kárimov (ekeýi de – «Astana»);

Aıta keteıik, bapkerler shtaby Maksım Samorodov pen Saǵadat Tursynbaıdyń jaraqatynan habardar. Qazirgi tańda olar «Ahmat» jáne «Ordabasy» fýtbol klýbtarynyń dárigerler shtabymen turaqty baılanysta otyr.

Oqý-jattyǵý jıyny 1 qyrkúıek kúni Almaty qalasynda bastalady. Qazaqstandyq fýtbolshylar 6 qyrkúıekte Almaty qalasynyń Ortalyq stadıonynda 19:00-de Norvegııaǵa qarsy oınaıdy.

Al 9 qyrkúıekte 23:45-te qurama Lıýblıana qalasyndaǵy «Stojıtse» stadıonynda Slovenııaǵa qarsy match ótkizedi.

Eske salsaq, maýsym aıynda Stanıslav Cherchesov fýtboldan Qazaqstan quramasy bas bapkeri qyzmetine taǵaıyndaldy.