Ulttar lıgasy: Fýtboldan Qazaqstan quramasynyń qarsylastary qandaı pikir bildirdi
ASTANA. KAZINFORM - Fýtboldan 2024/25 jylǵy UEFA Ulttar lıgasynda Qazaqstanǵa qarsylas atanǵan Avstrııa, Slovenııa jáne Norvegııa quramalarynyń bas bapkerleri jerebe jaıynda pikirin bildirdi.
ÝEFA Ulttar lıgasynyń 2024/25 maýsymynyń jerebe tartý qorytyndysy boıynsha Qazaqstan V lıgasynda Avstrııa, Norvegııa jáne Slovenııa quramalarymen birge úshinshi topqa tústi.
Avstrııa quramasy FIFA-nyń sońǵy reıtınginde 24 orynda tur. Quramaǵa 2023 jyldan beri germanııalyq Ralf Rangnık jetekshilik etedi.
«Norvegııa - V lıgasyndaǵy eń myqty quramanyń biri. Men Erlıng Holandpen qaıta kezdesýdi asyǵa kútemin. Slovenııa da jaqsy qarsylas. Óıtkeni, bizge alysqa sapar shegýdiń qajeti joq. Bul - Avstrııamen kórshiles el. Sondyqtan Slovenııamen oıyndy jergilikti jekpe-jek deýge negiz bar. Qazaqstanǵa kelsek, atalǵan memleket - bizdń elden óte alys. Qanshama ýaqyt jol júrýge týra keledi. Endigi kezekte onyń máni joq. Jaqsy nátıjege jetýge tyrysamyz», - dedi ol jerebe jaıynda.
Al Norvegııa quramasy FIFA-nyń sońǵy reıtınginde 44-orynda tur. Quramaǵa 2020 jyldan beri sol eldiń ókili Stoole Solbaakken bas bapker qyzmetin atqarady.
«Topta Avstrııamen óz alańymyzda jáne syrt alańda teń oınaýǵa bolady. Oǵan senimdimin. Olar árdaıym shabýylǵa shyǵýǵa kúsh salady. Fızıkalyq jaǵynan myqty. Slovenııaǵa qarsy múmkindigimiz bar. Terezesi teń oıyn kórsetemiz degen oıdamyn. Olardan ese qaıtarǵymyz keledi. Qazaqstanmen syrt alańda kezdesý ońaı emes. Oıyndaryn kórdik. Stadıonda olarmen oıyn óte jyldam ótedi. Qazaqstan 2024 jylǵy Eýropa chempıonaty irikteý satysynda sońǵy mınýtqa deıin toptan shyǵý úshin kúresti. Bul halyqaralyq fýtboldyń qandaı dárejege jetkenin kórsetedi. Bizdiń topta árbir quramanyń upaı alý múmkindigi joǵary. Bul biz úshin artyqshylyq dep oılaımyn», - dedi Stoole Solbaakken.
Taǵy bir qarsylasymyz - Slovenııa FIFA reıtınginde 54-orynda keledi.
Bas bapkeri Matıaj Kek Slovenııa quramasynyń 2018 jyldan beri tizginin ustap keledi.
«Bizdiń toptaǵy oıyn básekege toly bolady degen oıdamyn. Avstrııa - Eýropadaǵy úzdik quramanyń biri. Odan bólek, biz jaqynda kezdesken Norvegııa men Qazaqstan bar. Biz joǵary nátıjege qol jetkizýdi úmit etemiz. Ulttar lıgasynda jaqsy oınaýdyń mańyzy erekshe. Aldymen S lıgasyn jeńip aldyq. Odan keıin V lıgasynda qaldyq. Eýropa birinshiligine joldama alǵan oıynshylardyń deni Ulttar lıgasy sheberligimen kózge túsken edi», - deıdi ol.
Eske salsaq, Ulttar lıgasynda Qazaqstan quramasy alǵashqy oıynynda Norvegııany qabyldaıdy.
