Ulttar lıgasy: Fýtboldan Qazaqstan áıelder quramasy búgin Lıýksembýrgpen kezdesedi

ASTANA. KAZINFORM - Fýtboldan Qazaqstan áıelder quramasy UEFA Ulttar lıgasynda búgin Lıýksembýrgpen kezdesý ótkizedi. 

Oıyn qazaqstandyq ýaqytpen 22:00-de bastalyp, QazSport telearnasynan tikeleı efırde kórsetiledi.

Bul oıynda atalǵan topta qaı quramanyń birinshi oryn alatyny sheshiledi.

El quramasy Ulttar lıgasy S dıvızıony úshinshi tobynda synǵa túsip jatyr. Qarsylastary - Armenııa, Lıýksembýrg jáne Lıhtenshteın.

Alǵashqy eki oıynda qazaqstandyq fýtbolshylar Armenııaǵa 0:2 esebimen jeńilse, odan keıin Lıýksembýrgpen 2:2 esebimen teń tústi. Al úshinshi týrda Lıhtenshteındi 4:0 esebimen tize búktirse, tórtinshi týrda Armenııadan 3:2 esebimen basym tústi.

Sondaı-aq 29 mamyrda el quramasy taǵy da Lıhtenshteındi 4:0 esebimen tize búktirdi.

Qazir atalǵan topta bes týrdan keıin Lıýksembýrg 13 upaımen kósh basynda tursa, odan keıingi oryndaǵy Qazaqstannyń 10 upaıy bar. Al Armenııa 6 upaı enshilese, Lıhtenshteınniń qorjyny bos.

Aıta ketsek, qazaqstandyq fýtbolshylar 23 mamyrda oqý-jatttyǵý jıyny Almaty qalasyndaǵy «Qaırat» fýtbol klýbynyń bazasynda bastaldy. Daıyndyq barysynda Qyrǵyzstan quramasymen (3:1, 2:1) eki joldastyq kezdesý ótkizdi.