Ulttar lıgasy: Frantsııa quramasy Horvatııanyń osal tusyn tapty

ASTANA. KAZINFORM - Fýtboldan UEFA Ulttar lıgasynda pleı-off kezeńiniń qarymta oıyndary ótti. 

Ұлттар лигасы: Франция құрамасы Хорватияның осал тұсын тапты
Фото: championat.com

A lıgasy boıynsha segiz qurama jartylaı fınalǵa shyǵatyn tórttikti anyqtady.

Alǵashqy kezdesýde Horvatıǵa 0:2 esebimen jol bergen Frantsııa óz alańynda atalǵan qarsylasyn oıynnyń negizgi kezeńinde dál sondaı eseppen jeńdi. Jeńimpaz penaltıler serııasy arqyly anyqtalyp, bul joly 5:4 esebimen frantsııalyq fýtbolshylar basym tústi. 

Al, Portýgalııa birinshi oıynda Danııaǵa 0:1 esebimen ese jiberip qoıǵan edi. Qarymta kezdesýde olar qarsylasyn 5:2 esebimen tize búktirdi.

Sondaı-aq Germanııa Italııamen 3:3 esebimen teń tústi. Birinshi oıynda olar qarsylasyn 2:1 esebimen jeńgen bolatyn. Osyǵan baılanysty jarysty jalǵastyrýǵa múmkindik aldy. 

Atalǵan lıgada Ispanııa men Nıderland quramalary eki oıynda 3:3, 2:2 eesbimen teń túsip, jeńimpaz penaltı arqyly belgili boldy. Bul joly ıspanııalyq fýtbolshylar 5:4 esebimen jeńimpaz atandy.

Nátıjesinde ¼ fınalǵa Portýgalııa, Frantsııa, Germanııa jáne Ispanııa joldama aldy.

Qalǵan úsh lıgada qaı quramalar aldaǵy maýsymda qandaı lıgada oınaıtynyn anyqtady. Oǵan árbir topta ekinshi jáne úshinshi oryn alǵan quramalar qatysty.

A/B lıgasynyń pleı-off satysynda eki oıynda Vengrııa Túrkııa (0:3, 1:3), Belgııa men Ýkraına (3:0, 1:3), Serbııa men Avstrııa (2:0, 1:1), Shotlandııa men Grekııa (0:3, 1:0) aldaǵy maýsymda ózderiniń qaı lıgada oınaıtynyn anyqtady. Nátıjesinde Túrkııa, Grekııa, Belgııa, Serbııa A lıgasynda baq synaıtyn boldy.

B/C lıgalarynyń pleı-off satysynda Slovenııa men Slovakııa (1:0, 0:0), Islandııa men Kosovo (1:3 1:2), Grýzııa men Armenııa (6:1, 3:0), Irlandııa men Bolgarııa (2:1, 2:1) oınady. Sol arqyly aldaǵy maýsymda V lıgasynda Slovenııa, Kosovo, Grýzııa, Irlandııa synǵa túsýge múmkindik aldy.

C/D lıgalary boıynsha kezdesýler 26 jáne 31 naýryz kúnderine belgilengen. Jarystyń atalǵan satysynda Latvııa men Gıbraltar, Malta men Lıýksembýrg oınaıdy.

Сейчас читают