Ulttar lıgasy: Frantsııa quramasy Horvatııadan qarymta qaıtara ala ma

ASTANA. KAZINFORM — 23 naýryzda fýtboldan UEFA Ulttar lıgasynda pleı-off kezeńiniń qarymta oıyndary bastalady.

A lıgasy boıynsha segiz qurama jartylaı fınalǵa shyǵatyn tórttikti anyqtaıdy.

Búgingi oıyndarda Frantsııa men Horvatııa (alǵashqy oıyn 0:2), Portýgalııa men Danııa (0:1), Germanııa men Italııa (2:1), Ispanııa men Nıderland (2:2) kezdesedi. 

Úzdik shyqqan tórt qurama maýsym aıynda jartylaı fınalǵa shyǵyp, atalǵan týrnırdiń úzdigin anyqtaýǵa múmkindik alady.

Sondaı-aq qalǵan úsh lıgada qaı quramalar aldaǵy maýsymda qandaı lıgada oınaıtynyn anyqtaıdy. Oǵan árbir topta ekinshi jáne úshinshi oryn alǵan quramalar qatysady.

A/B lıgasynyń pleı-off satysynda búgin Vengrııa men Túrkııa (1:3), Belgııa men Ýkraına (1:3), Serbııa men Avstrııa (1:1), Shotlandııa men Grekııa (1:0) sheberlik baıqasady.

Al B/C lıgalarynyń pleı-off satysynda Slovenııa men Slovakııa (0:0), Islandııa men Kosovo (1:2), Grýzııa men Armenııa (3:0), Irlandııa men Bolgarııa (2:1) oınaıdy.

C/D lıgalary boıynsha kezdesýler 26 jáne 31 naýryz kúnderine belgilengen. Jarystyń atalǵan satysynda Latvııa men Gıbraltar, Malta men Lıýksembýrg oınaıdy.

Eske salsaq, budan buryn fýtboldan 2026 jylǵy álem chempıonatynyń irikteý týrnırinde Qazaqstan quramasy Ýelske ese jiberdi.