Ulttar lıgasy: Búgin pleı-off kezeńi bastalady
ASTANA. KAZINFORM - Búgin fýtboldan UEFA Ulttar lıgasynda pleı-off kezeńiniń alǵashqy oıyndary bastalady.
A lıgasy boıynsha segiz qurama jartylaı fınalǵa shyǵatyn tórttikti anyqtaıdy. Búgin shırek fınalda Horvatııa men Frantsııa, Italııa men Germanııa, Danııa men Portýgalııa, Nıderland pen Ispanııa quramalary kezdesedi. Qarymta oıyndar 23 naýryzǵa belgilengen.
Úzdik shyqqan tórt qurama maýsym aıynda jartylaı fınalǵa shyǵyp, atalǵan týrnırdiń úzdigin anyqtaýǵa múmkindik alady.
Sondaı-aq qalǵan úsh lıgada qaı quramalar aldaǵy maýsymda qandaı lıgada oınaıtynyn anyqtaıdy. Oǵan árbir topta ekinshi jáne úshinshi oryn alǵan quramalar qatysady.
A/B lıgasynyń pleı-off satysynda búgin Túrkııa men Vengrııa, Ýkraına men Belgııa, Avstrııa men Serbııa, Grekııa men Shotlandııa sheberlik baıqasady.
Al B/C lıgalarynyń pleı-off satysynda Slovakııa men Slovenııa, Kosovo men Islandııa, Armenııa men Grýzııa, Bolgarııa men Irlandııa oınaıdy.
C/D lıgalary boıynsha kezdesýler 26 jáne 31 naýryz kúnderine belgilengen. Jarystyń atalǵan satysynda Latvııa men Gıbraltar, Malta men Lıýksembýrg kezdesedi.
Eske salsaq, budan buryn Qazaqstan jasóspirimder quramasy irikteý satysyn sátti bastady.