«Ulttar Kýbogy»: Boksshy qyzdarymyz 1-orynǵa qol jetkizdi
ASTANA. QazAqparat - Bokstan Qazaqstannyń qyzdar quramasy Serbııanyń Sombor qalasynda ótken «Ulttar Kýbogy» 7-shi halyqaralyq týrnırinde tamasha óner kórsetti. Sportshylarymyz 6 altyn medal enshilep, jalpy komandalyq esepte birinshi orynǵa qol jetkizdi, dep habarlaıdy QazAqparat.
Atalǵan týrnırdiń alǵashqy «altynyn» álem chempıony Lázzat Kúngeıbaeva (81 keliden joǵary) enshilegenin eske sala keteıik.
Bizdiń qyzdar eresekter arasyndaǵy fınaldyq toǵyz jekpe-jektiń bireýine ǵana qatysqan joq - 69 keliden joǵary sanatta.
48 kelige deıingi salmaqta Alına Turlybaeva rýmynııalyq áıgili boksshy Stelıýta Dýtadan jeńilip qaldy. Azıada júldegeri Jaına Shekerbekova da (51 keli) rýmynııalyq Klaýdııa Nechıtýdan aılasyn asyra almady.
Álem chempıony Dına Jolaman (54 keli) men Aıda Tuıaqbaı arasyndaǵy kezdesý Jolamannyń paıdasyna sheshildi.
Qazaq-rýmyn jekpe-jeginiń Nazym Işanova (57 keli) men Perıok Lakramıoare arasyndaǵy úshinshi kezdesýi de biz úshin sátsiz aıaqtaldy.
Al 61 keli salmaqtaǵy Karına Ibragımova aǵylshyn qyzy Peıdj Mýrneıdi 4:1 esebimen aıqyn basymdyqpen jeńse, Azııa chempıony Madına Nurshaeva (64 keli) da dál osyndaı kórsetkishpen vengrııalyq sportshy Ester Olahtan ozdy.
Azııa oıyndarynyń qola júldegeri Darıǵa Shákimova (75 keli) qazylar alqasynyń sheshimimen Ulttyq quramadaǵy qurbysy Aqerke Baqytjannan basym tústi.
Farıza Sholtaı (81 kelige deıin) 3:2 esebimen vengrııalyq boksshy Tımeıa Nagıdi jeńdi.
Osylaısha, Ulttyq qurama qyzdary týrnırdiń on altyn medaliniń altaýyn qorjynymyzǵa salyp, jalpykomandalyq esepte birinshi orynǵa shyqty.
Týrnırge 28 eldiń sportshylary qatysqanyn esterińizge sala keteıik. Olardyń deni ózderiniń qurlyqtyq chempıonattaryna daıyndalyp jatqan Eýropa elderiniń boksshylary. 
