Ulttar kýbogine qatysatyn boksshy qyzdardyń tizimi jarııalandy

ASTANA. QazAqparat - 14-21 qańtar kúnderi Serbııanyń Sombor qalasynda áıelder boksynan «Ulttar kýbogi» halyqaralyq týrnıri ótedi, dep habarlaıdy QazAqparat Olympic.kz saıtyna silteme jasap.

Serbııa tórindegi synǵa Qazaqstan áıelder quramasy da qatysady. Qazaqstan ulttyq quramasynyń bas bapkeri Vadım Prısıajnıýk jyldyń alǵashqy jarysynda baq synaıtyn sportshylar tizimin jarııalady.

Olar: Áıgerim Qasenaeva (48 keli), Nazym Qyzaıbaı (51 keli), Angelına Lýkas (51 keli), Dına Jolaman (54 keli), Sánııa Sultanqyzy (57 keli), Rımma Volosenko (60 keli), Mılana Safronova (64 keli), Álııa Ábdiraıymova (64 keli) Aqerke Baqytjan (69 keli), Aıda Ońdash (75 keli), Lázzat Kúngeıbaeva (+81 keli).

Eske salaıyq, «Ulttar kýbogi» jyl saıyn Serbııada uıymdastyrylady.