Ultshyldyqty ulttyq ózimshildikpen shatastyrýǵa bolmaıdy – Memleket basshysy

ASTANA. QazAqparat – Memleket basshysy Qasym-Jomart Toqaev Qazaqstan halqy Assambleıasynyń HHHІІ sessııasynyń otyrysynda uıymnyń quramy únemi jańartylyp otyraatynyn málim etti, dep habarlaıdy QazAqparat tilshisi.

«Álemdegi barlyq qaqtyǵystar men soǵystar ulttyq tákapparlyqtan, basqa etnos ókilin jaqyn jáne dos retinde kórgisi kelmeýden týyndaıdy. Eshqandaı jaǵdaıda naǵyz patrıotızmdi Ulttyq ózimshildikpen shatastyrýǵa bolmaıdy. Sondyqtan biz ári qaraı da Assambleıany damytyp, jumys ádisterin jetildiremiz, onyń quramyn únemi jańartyp otyramyz», - dedi Memleket basshysy.

Prezıdenttiń paıymynsha, qazaq dalasynda barsha qazaqstandyqtardyń erkin ómir súrýine jer jetedi.

«Biz – bir jerdiń perzentterimiz, bir halyqtyń uldary men qyzdarymyz! Uly dalanyń sheksiz keńistiginde bárimizge oryn jetedi. Qazaqstannyń bolashaǵy, balalarymyzdyń taǵdyry, ata-babalarymyzdyń murasy bizdiń qolymyzda. Biz ýaqyttyń kez kelgen synaǵyn qasqaıyp qabyldaımyz.

Árbir otandasymnan men shynaıy patrıotızmniń, joǵary azamattyq jaýapkershiliktiń, iske adal kózqarastyń úlgisin kóremin», - dedi Prezıdent.

Sondaı-aq, Prezıdent separatızm qaýpi týraly oı qozǵady.