Ultqa eńbek etýge qazir barlyq jaǵdaı bar - Ahmetjan Esimov
MATY. 22 qyrkúıek. QazAqparat /Erlik Erjanuly/ - Til qoǵamdyq orta men qalyń buqaranyń qoldaýymen órkendeıtin rýhanı ıgilik.
Ony qala ákimi Ahmetjan Esimov búgin "Ana tilim - ardaǵym" dep atalatyn festıval kezinde aıtty.
"Elimizde júrgizilip jatqan memlektik til saıasatynyń barysyna baǵa bergende eń aldymen úlgi-ónege bolatyn órkendi isterdi aýyzǵa alý kerek. Sońǵy jyldary memlekettik til saıasatynda úlken betburystyń bastalǵany anyq. Ol el ómiriniń barlyq salalarynda baıqalyp otyr. Tek sony kóre biletin, iske janashyrlyqpen qaraıtyn, aqıqatyn aıtatyn aq nıet kerek", - deıdi A. Esimov. Qala basshysynyń aıtýynsha, el de, til de bizdiki. Oǵan bizden basqa qyzmet etetin kúsh joq. Ultqa qyzmet qazir etýge barlyq jaǵdaı bar. Olaı bolsa táýelsiz Otanymyzdyń kıeli sharýasyna ár azamat ózinen, otbasynan, eńbek etip júrgen ujymynan, qoǵamdyq qyzmetinen bastap óz úlesin qosýy kerek. "Biz qazir azamattyq qoǵam quryp jatyrmyz. Ondaı qoǵamda árbir azamat óz halqy men memleketiniń barlyq sharýasyna jaýapty bolady. Sondyqtan bul sharýaǵa úkimettik emes uıymdar da barynsha aralasýy kerek. Memleket sol isterdiń úılestirýshisi jáne qamqorshysy", - dedi Ahmetjan Smaǵululy.
