Ultaralyq arazdyq týdyrǵan azamattyń ústinen qylmystyq is qozǵaldy
Ultaralyq tatýlyqqa syzat túsirgen jeli qoldanýshysyna qylmystyq is qozǵalyp, halyqaralyq izdeý jarııalandy, dep habarlaıdy Kazinform.
Áleýmettik jelide eldegi ultaralyq tatýlyqqa syzat túsirip otyrǵan er jigittiń vıdeosy tarady. Ol balaǵat sózder aıtyp, essiz áreketter jasaǵan.
Polıtseıler shuǵyl qabyldaǵan sharalardyń nátıjesinde beınejazbanyń avtoryn anyqtady. Qazirgi ýaqytta shetelde júrgen Túrkistan oblysynyń 28 jastaǵy turǵynyna halyqaralyq izdeý jarııalandy.
«Atalǵan fakt boıynsha Qazaqstan Respýblıkasy Qylmystyq kodeksiniń 174-baby «Áleýmettik, ulttyq, rýlyq, násildik, tektik-taptyq nemese dinı alaýyzdyqty qozdyrý» boıynsha qylmystyq is qozǵaldy. Kúdiktige halyqaralyq izdeý jarııalandy. Sotqa deıingi tergeý bastaldy» - delingen Túrkistan oblysy polıtsııa departamentiniń baspasóz qyzmeti taratqan aqparatta.
Al, búgin kúdikti men onyń ata-anasy qazaq halqynan jáne Prezıdentten keshirim surady.
