Ult josparyndaǵy Elbasy tapsyrmasyn iske asyrýda taǵy bir óreli is ómirge joldama alýǵa daıyn
Avtor óz maqalasynda «Elbasynyń zańnyń ústemdigin qamtamasyz etý jóninde Ult josparyndaǵy tapsyrmasyn iske asyrýǵa baılanysty taǵy bir óreli is ómirge joldama alýǵa daıyn. Atap aıtqanda, ınvestıtsııalyq ahýaldy jaqsartý maqsatynda jáne sottarǵa degen senimdi odan saıyn arttyrý úshin Astana qalasynda ınvestıtsııalyq daýlardy qaraıtyn júıe qurý qolǵa alynýda. Bul júıeniń basty ereksheligi, sot protsesteri qysqa merzimde, barynsha jeńildetilgen jaǵdaıda júrgizilmek. Investıtsııalyq daýlardyń sapaly qaralýy sýdıalardan birqatar tıisti salalar men quqyqtyq ınstıtýttarǵa arnaıy beıimdelgen bilimdilikti, jalpy alǵanda, daýlardy sheshýde neǵurlym praktıkalyq turǵyda mashyqtanýdy talap etedi. Sot júıesiniń aldynda turǵan ózekti máseleniń biri - kásipkerlik sýbektileri qatysatyn sot isteriniń qaralýyn jedeldetý, sot óndirisin jeńildetý, tóreshildik resimderdi azaıtý», - dep Prezıdent tapsyrmasyn júzege asyrýda sot júıesiniń aldynda turǵan keleli mindetterge naqty toqtalyp ótken.
Q. Mámı atap ótkendeı, búginde elde sot-quqyq reformasynyń jemisti júrgizilýi Elbasynyń sottarǵa udaıy qamqor bolýynyń naqty dáleli. Memleket basshysy azamattardyń bostandyǵy men quqyqtarynyń qyraǵy qorǵalýyn árdaıym óziniń nazarynda ustap keledi.
Munymen qatar Elbasy tapsyrmasyna oraı, «100 naqty qadam - barshaǵa arnalǵan qazirgi zamanǵy memleket» atty Ult josparynyń 23-qadamynda ınvestıtsııalyq daýlar boıynsha jeke sot isterin júrgizýdi qurý, Joǵarǵy Sotta iri ınvestorlar qatysatyn daýlardy qaraý úshin Investıtsııalyq alqany uıymdastyrýdy tapsyrdy. Bul tapsyrmadan qandaı mindetter týyndaıdy? Maqalada osy suraqqa baılanysty naqty jaýap qaıtarylǵan.
