Ult densaýlyǵy — memleket bolashaǵy
AQTAÝ. KAZINFORM — QR Prezıdenti janyndaǵy Áıelder isteri jáne otbasylyq- demografııalyq saıasat jónindegi Ulttyq komıssııa múshesi, QR Parlamenti Májilisiniń depýtaty Juldyz Súleımenova Mańǵystaý oblysynda «Jastar men jasóspirimderdiń reprodýktıvtik densaýlyǵyn saqtaýdyń tıimdi joldary» taqyrybynda semınar ótkizdi.
QR Prezıdenti janyndaǵy Áıelder isteri jáne otbasylyq-demografııalyq saıasat jónindegi Ulttyq komıssııanyń basty basymdyqtarynyń biri — jasóspirimder men jastardyń reprodýktıvtik densaýlyǵyn qorǵaý.
Sońǵy jyldary elimizde, ásirese qyzdar arasynda erte júktilik, bala týý jáne abort máseleleri alańdatyp otyr. Densaýlyq saqtaý mınıstrliginiń derekteri boıynsha, bul kórsetkishter birneshe oblystarda joǵary deńgeıde.
Osyǵan baılanysty Ulttyq komıssııa sheshimimen jergilikti atqarýshy organdar, dárigerler, pedagogtar, sarapshylar, ata-analar jáne azamattyq qoǵam ókilderi qatysatyn arnaıy semınarlar ótkizile bastady.
— Májilis depýtaty Súleımenova Juldyz «Ana men balany qorǵaý, ult
densaýlyǵyn saqtaý — elimizdiń tabysty bolashaǵynyń irgetasy. Balalar men jasóspirimderdiń densaýlyǵyn nyǵaıtýda ınnovatsııalyq tásilderdi engizý — memlekettik saıasattyń basty qaǵıdattarynyń biri. Náreste, bala jáne ana ólimin azaıtý, erte júktiliktiń aldyn alý — densaýlyq saqtaý júıesiniń tıimdiliginiń negizgi kórsetkishi bolýy tıis, — dedi.
Buryn emhanalar janynan jumys istegen jasóspirimderge arnalǵan arnaıy bólimsheler densaýlyq saqtaý reformasynan keıin jabylyp qalǵan.
Qazir bul qyzmetterdi qaıta ashý máselesi kún tártibinde tur.
Mindetti áleýmettik saqtandyrý qory arqyly jumys isteıtin 4 Jastar densaýlyǵy ortalyǵy tolyq qýatynda paıdalanylmaýda.
2024 jyly BUU Halyq qory (ıÝNFPA) júrgizgen saýalnamada qazaqstandyq jastardyń kópshiligi jynystyq densaýlyq týraly aqparatty ınternet pen áleýmettik jeliden alatyny anyqtaldy.
Máseleni sheshýde tek dástúrli sabaqtarmen shektelmeı, tsıfrlyq tehnologııalar múmkindikterin paıdalaný ózekti.
Ata-analarmen jumysty kúsheıtý jáne mekteptegi tárbıe saǵattarynyń mazmunyn jetildirýge kóńil bólý qajet.
Otbasyn qoldaý ortalyqtarynyń jumysyn keńeıtý shart.
Semınarda ár qatysýshy óz pikirin aıtyp, usynystaryn ortaǵa saldy.
Bir jyl buryn ashylǵan otbasyn qoldaý ortalyqtarynyń maqsattary, jumys júıesi jáne tájirıbesi egjeı-tegjeıli túsindirildi.
Biz úshin basty maqsat — jastardyń deni saý, sanaly, bilimdi, ómirlik durys tańdaý jasaı alatyn urpaq bolyp qalyptasýy.