«Úlken jetilik» sammıti qarsańynda úısizderdi evakýatsııalaıdy
NUR-SULTAN. QazAqparat - Brıtanııanyń Kornýoll túbeginde aldaǵy senbide bastalatyn «Úlken jetilik» sammıtine sońǵy daıyndyq júrip jatyr, dep habarlaıdy QazAqparat Euronews-ke silteme jasap.
Anglııanyń osy kórkem buryshynyń turǵyndary kelýshilerdiń kóp bolatynyna baılanysty daıyndalyp jatyr, al polıtsııa qaýipsizdik sharalaryn kúsheıtýde. Osyndaı qadamdardyń biri úısizderdi evakýatsııalaý jáne olardy aımaqtan tys jerde ornalastyrý boldy. Bıliktiń mundaı buıryqtary men quqyq qorǵaý organdarynyń áreketteri qaıyrymdylyq uıymdarynyń narazylyǵyn týdyrdy.
«Jańa kilt» qaıyrymdylyq uıymynyń menedjeri Monık Kollıns keıbir úısiz adamdar kólikterde, basqalary shatyrlarda qalǵandyǵyn, kóbisi Kornýolldan tys jerde ornalastyrylǵandyǵyn aıtty. «Biraq bul adamdardyń barlyǵy biz turǵan Nıýkıde týyp-ósken. Endi olar Plımýt pen Okhemptondaǵy qonaq úı bólmelerine ornalastyryldy, olar osy budan birneshe shaqyrym jerde ornalasqan. Bul keshirilmeıtin áreket»,- dedi.
Sársenbide AQSh prezıdenti Djo Baıden sammıtke qatysý úshin Eýropaǵa barady. Beısenbide ol Ulybrıtanııanyń premer-mınıstri Borıs Djonsonmen kelissózder júrgizedi dep kútilýde. Baıdenniń eýropalyq sapary Jenevada Reseı prezıdenti Vladımır Pýtınmen kezdesýimen aıaqtalady.
