«Úlken jetilik» elderi maýsymda Reseıge qatysty sanktsııalaryn uzartady
ASTANA. QazAqparat - «Úlken jetilik» elderi Reseıge qatysty sanktsııalaryn uzartýǵa kelisti. Bul týraly Ulybrıtanııanyń premer-mınıstri Devıd Kemeron málimdedi, dep habarlaıdy RIA Novostı.
«Úlken jetilik» maýsym aıynda Reseı boıynsha sanktsııalardy uzartý qajettiligimen kelisti», -dedi Kemeron Japonııada G7 sammıtiniń qorytyndylary boıynsha ótken baspasóz máslıhatynda.
Brıtandyq saıasatker shekteýler Mınsk kelisýshilikteriniń tolyq oryndalýyna deıin saqtalatynyn atap ótti.
Buǵan deıin «Úlken jetilik» sammıtiniń qatysýshylary birlesken deklaratsııany jarııalady. Onda qajettilik týyndaǵan jaǵdaıda Máskeýge qatysty jańa sanktsııalardy engizý týraly aıtylǵan.
Bul rette G7 kóshbasshylary ýkraınalyq daǵdarysty retteý úshin Máskeýmen dıalogtyń mańyzdylyǵyn atap ótti.
Reseıge qatysty engizilgen sanktsııalardyń merzimi 31 shildede aıaqtalady. Qoldanylǵan sharalardy uzartý máselesin EO elderi 28-29 maýsym kúnderi ótetin sammıtte talqylaıdy. Bul rette birqatar eýropalyq memleketter sheýteýlerdi jumsartýdy talap etýge daıyn.
