Úlken jáne Kishi Almaty ózenderi boıynda qar kóshkini júrýi múmkin

Úlken jáne Kishi Almaty ózenderiniń basseıninde qar kóshkini júrýi yqtımal, dep habarlaıdy Kazinform.

Almaty qalalyq TJD men «Qazseldenqorǵaý» mekemesi 10-11 qarasha aralyǵynda Úlken jáne Kishi Almaty sý alaptarynda jaýyn-shashynnyń túsýine jáne qar jamylǵysynyń turaqsyz bolýyna baılanysty qar kóshkini júrýi múmkin ekenin habarlady.

«Osyǵan baılanysty qar basqan betkeılerge shyqpaǵan jón. Múmkindik bolsa taýǵa barýdan bas tartqan durys.Taýda qalyp qalǵan týrıster men demalýshylar bolsa, barlyq qaýipsizdik sharalaryn saqtaýdy suraımyz» - dep eskertti departamentten.