Úlken jáne Kishi Almaty sý alabynda qar kóshkini júrýi múmkin
ALMATY. QazAqparat - Almaty qalasynyń Tótenshe jaǵdaılar departamenti taýda abaı bolýǵa shaqyrdy, dep habarlaıdy QazAqparat tilshisi.
«23-25 qarasha aralyǵynda jylymyqtyń áserinen jáne qar jamylǵysynyń turaqsyz bolýyna baılanysty Úlken jáne Kishi Almaty sý alabynda qar kóshkini júrýi múmkin. Qıyn jaǵdaıǵa urynbas úshin taý bókterine shyǵýǵa tyıym salynady», - dep eskertedi Almaty qalalyq TJD baspasóz qyzmeti.
Osyǵan oraı, Almaty qalalyq TJD men «Qazseldenqorǵaý» memlekettik mekemesi mynadaı eskertý jarııalady:
- eger taýda bolsańyz, muqııat bolyńyz jáne aýa raıynyń ózgerýin qadaǵalańyz;
- taý bókterinde qardyń jyljýyn, qardyń túıirshikterin baıqasańyz, onda taýlarǵa barmaǵanyńyz jón – bul qardyń turaqsyz kúıde ekenin, kóshkin qaýpin bildiredi;
- taýly aýmaqtarda qaýipsizdik sharalaryn saqtańyz;
- úıge qaıtýdy táýliktiń kesh ýaqytyna keshiktirmeńiz, keri baǵytty taba almaýyńyz múmkin;
- rıýkzaktarda myna qajetti zattar bolýy tıis: jyly kıimder,kútpegen jaǵdaıda dárigerge deıingi kómek kórsetýge arnalǵan dári qobdıshasy, GPS navıgatorlarynyń bolýy artyq bolmaıdy.
