Úlken jáne Kishi Almaty ózenderinde qar kóshkini júrý qaýpi saqtalady

ALMATY. QazAqparat – 29-31 naýryz kúnderi Úlken jáne Kishi Almaty ózenderinde qar kóshkini júrýi múmkin, dep habarlaıdy QazAqparat tilshisi.

Almaty qalalyq tótenshe jaǵdaılar departamenti «Qazgıdromettiń» daýyldy eskertýi negizinde 29-31 naýryz aralyǵynda Úlken jáne Kishi Almaty ózenderiniń basseınderinde qar kóshkini júrýi múmkin ekenin habarlady.

Osyǵan oraı vedomstvo turǵyndardy qar basqan betkeılerge shyqpaýǵa, múmkindik bolsa taýǵa barmaýǵa shaqyrdy.

«Eger taýda kómek qajet bolǵan jaǵdaıda, 112, 109 nemese 8 (727) 372 -15-60 ( «QR TJM Respýblıkalyq jedel qutqarý jasaǵy» MM kezekshi-dıspetcherlik bólimshesi) qyzmetterine qońyraý shalyńyz», - dep habarlady TJD-da.

Eske salaıyq, Almatyda qar kóshkini júrý qaýpine baılanysty taý kýrortynyń biri jabylǵan bolatyn