Úlken tennısten ITF halyqaralyq jasóspirimder týrnıriniń fınaldyq kezdesýleri ótýde
ASTANA. Maýsymnyń 12-si. QazAqparat - Búgin elordadaǵy Ulttyq tennıs ortalyǵynyń ortalyq ashyq kortynda Úlken tennıs boıynsha ITF halyqaralyq jasóspirimder týrnıriniń fınaldyq kezdesýleri ótip jatyr, dep habarlady Qazaqstan Tennıs federatsııasynyń baspasóz qyzmetinen.
Uldar arasyndaǵy fınaldyq kezdesýde qazaqstandyq Anton Saranchýkov pen túrkııalyq Dýrýkan Dýrmýs básekeles bolsa, qyzdar arasynda moldovalyq Anna Batırı men grýzııalyq Tamara Chalaganıdze óz baqtaryn synaıdy.
Esterińizge sala keteıik, keshe juptasyp óner kórsetýdiń aqtyq synynda jerlesteri Ásııa Daıyr men Ekaterına Gýbanovaǵa qarsy oınaǵan qazaqstandyq Ásel Arǵynbaeva men Kamıla Rafkat 2 sátte de qarsylastarynan basym túsken bolatyn. Al uldar arasyndaǵy juptyq básekede qazaqstandyq taraptyń belgili sebepterge baılanysty bas tartýynan túrkııalyq Mert Dınk pen Dýrýkan Dýrmýs jeńimpaz dep tanyldy.
