Úlken tennısten Federatsııa kýbogy: Qazaqstan Belgııaǵa bir upaı berip qoıdy
NUR-SULTAN. QazAqparat – Kortreık qalasynda úlken tennısten Federatsııa kýbogynyń irikteý kezeńinde Qazaqstan men Belgııa matchy ótýde, dep habarlaıdy QazAqparat tilshisi.
Kortqa alǵashqy bolyp dúnıejúzilik reıtıngte 63-orynda turǵan Zarına Dııas pen álemniń 19-raketkasy Elıze Mertens shyqty.
Birinshi partııada qazaqstandyq tennısshi qarsylasyn oısyrata utty – 6:1.
Esesine ekinshi sette belgııalyq sportshy breıkpen alǵa shyqty – 4:1. Zarınanyń qatelikterin sheber paıdalanǵan E.Mertens taǵy bir breıkpen túıindedi – 6:2.
Úshinshi, sheshýshi partııa bastapqyda áldeqaıda tartysty órbidi. Biraq esep 2:1 bolǵan mezette belgııalyq tennısshi breık jasap ketti. Taǵy bir breık – 5:1. Aqyry ol matchty eıspen bitirdi – 6:1.
Báseke 1 saǵat 43 mınýtqa sozyldy.
Osylaısha Belgııa quramasy 1:0 esebimen alǵa shyqty.
Ekinshi kezdesýde álemniń 34-raketkasy ıÝlııa Pýtıntseva reıtıngte 115-satydaǵy Isalın Bonavantıýrmen sheberlik baıqasady. Eger ıÝlııa utsa, esep teńesedi.
Eske sala keteıik, budan buryn Federatsııa kýbogy kúshin Qazaqstan – Belgııa matchynyń jerebesi tartylǵanyn, Aleksandr Býblıktiń Monpele týrnıriniń shırek fınalyna shyǵa almaǵanyn jazǵan bolatynbyz.
