Úlken tennısten ATR Almaty Challenger týrnıriniń jeńimpazdary anyqtaldy
ALMATY. QazAqparat - Almatyda úlken tennısten ATP Almaty Challenger xalyqaralyq týrnıri aıaqtaldy, dep habarlaıdy QazAqparat aqparattyq jáne sporttyq HAB-qa silteme jasap.
Jarys 11-16 maýsym aralyǵynda ótti.
Nátıjesinde, juptyq razrıadta Germanııanyń sportshylary Kevın Kravts pen Andres Mıes fınaldyq kezdesýde Laýrınas Grıgelıs (Latvııa) pen Vladıslav Manafov (Ýkraına) qurǵan jupty 6:2, 7:6 esebimen utty.
Al jeke razrıad boıynsha avstrııalyq ıÝrıı Rodıonov serb Pedııa Krıstındi fınalda 7:5, 6:2 esebimen utyp, birinshi orynǵa ıe boldy.
Aıta ketý kerek, Almaty Challenger alyp shaharda osymen ekinshi ret uıymdastyryldy. Alǵash ret byltyr kúz aıynda álemniń ár elinen kelgen úzdik sportshylardyn qatysýymen ótken. Osy joly olardyn qatary taǵy birneshe myqty raketkamen tolyqqan. Ol týraly jańadan ashylǵan «Eıs» tennıs ortalyǵynyń dırektory ári Qazaqstan tennıs Federatsııasynyń ókili Andreı Kvasov málimdedi.
«Bul joly týrnırdi kún jylyda ótkizýdi jón kórdik. Barlyǵy da jaqsy ótti. Aýa raıy da tamasha boldy. Endi kelesi shilde aıynda áıelder arasynda osy jerde Almaty Woman's týrnıri bolady, artynsha «Eıs» tennıs ortalyǵynda osy serııanyń kelesi jarysy ótedi», - dedi ol.
Aıta keteıik, Almaty Challenger týrnırinde qazaqstandyq sportshylar jaqsy óner kórsetkenmen, 1/4 fınalynan asa almady. Týrnırdiń jalpy júlde qory 50 myń dollardy qurady.
