Úlken saýda ortalyqtaryn salýdy yntalandyrý qajet – Úkimet basshysy

ASTANA. QazAqparat – QR Premer-Mınıstri Álıhan Smaıylov Saýda jáne ıntergratsııa mınıstrliginiń keńeıtilgen alqa májilisinde áleýmettik mańyzy bar taýar satatyn iri ortalyqtardyń qurylysyn yntalandyrýdy tapsyrdy. Onyı paıymynsha, atalǵan nysandardyń kóp bolýy baǵany retteý jumystaryn jeńildetedi, dep habarlaıdy QazAqparat tilshisi.

«Bazarlardy jańartý jáne saýdanyń órkenıetti formattaryna qatysty aıtsaq, biz bul bastamany tolyǵymen qoldaımyz. Bul óte durys ustanym. Biz ótken jyly ınflıatsııany tejeýmen aınalysqan kezde órkenıetti naryqpen sóılesý, sonyń ishinde baǵany tómendetý nemese marja mólsherin ustap turý áldeqaıda jeńil jáne tabysty ekenin kórdik. Biz bul salada da órkenıetti standarttarǵa umtylýymyz kerek. Kórshi elderdegideı órkenıetti formattaǵy saýdanyń úlesin 70-ten 80% -ǵa deıin jetkizýimiz kerek. Qalalarda, monoqalalarda, oblys ortalyqtarynda aýdany 2000-nan 3000 sharshy metrge deıin jetetin órkenıetti saýda alańdaryn salýdy yntalandyrý qajet ekenin kórip otyrmyz», - dedi Premer-Mınıstr.

Úkimet basshysy bul búkil saýdany osy jolǵa túsirý qajet degen sóz emes ekenin eskertti.

«Biz qoldaý sharalaryna tek saýda ortalyqtarynyń qurylysyn qosamyz. Bálkim úlken saýda alańdarynyń qurylysyn yntalandyrý týraly áriptesterimizben keńesetin shyǵarmyz. Sebebi ónimderdiń keń tańdaýy bolǵan kezde saýda marjasyn salystyrmaly túrde tómen deńgeıde ustaýǵa múmkindik bolady. Bul tutyný taýarlary baǵasynyń ósýin tejeý turǵysynan óte mańyzdy», - dedi Álıhan Smaıylov.