Úlken panda «joıylý qaýpi bar» túrler qatarynan shyǵaryldy
ASTANA. QazAqparat - Halyqaralyq tabıǵatty qorǵaý jáne tabıǵı resýrstar uıymy úlken pandany Qyzyl kitaptaǵy «joıylý qaýpi bar» túrden «az» túrine aýystyrdy, dep habarlady Gazeta.ru.
«Qytaı bıliginiń jetekshiligimen on jyl boıy kúsh salýdyń arqasynda qaýiptilik deńgeıi tómendedi, bul úlken panda sekildi mańyzdy janýarlar túrlerin saqtap qalýǵa jumsalǵan qarajattyń aqtalatynyn kórsetedi», - dep málimdedi Qytaıdaǵy WWF atqarýshy dırektory Lo Tsze Pın.
WWF bas dırektory Marko Lambertını qytaılyq áriptesteriniń qajyr-qaıratyna qaramastan, úlken pandalardyń áli de sırek túrge jatatynyn, áli qaýip bar ekenin aıtty.
Tabıǵatty qorǵaý uıymy alǵash ret 2014 jyly úlken pandalar sanynyn óskenin baıqady, onda bulardyń sany 17% ulǵaıǵan edi.
