«Úlken opera» telejobasynyń jeńimpazy Saltanat Ahmetova onlaın kontsert beredi
NUR-SULTAN. QazAqparat – «Astana Operanyń» jetekshi solısi, Qazaqstannyń eńbek sińirgen qaıratkeri Saltanat Ahmetova 27 sáýir kúni «Karantındegi juldyz» jobasy aıasynda onlaın kontsert beredi, dep habarlaıdy atalǵan teatrdyń baspasóz qyzmeti.
Aýqymdy baǵdarlamaǵa jıyrmadan astam týyndy engen, ánshiniń sózinshe, olardyń barlyǵy janǵa jaqyn ári súıikti ánder. Saltanat Ahmetova jeke kontsertiniń daıyndyǵyna eki aptadaı ýaqyt ketkendigin aıtty.
Kesh shymyldyǵyn qazaqtyń halyq ánderi «Aqbaıan», «Dýdaraı», «Dedim-aı aý» ashsa, romans súıer qaýym úshin N.Zýbovtyń «Ne ýhodı, pobýd so mnoıý», «Jestokıı romans» kınofılminen A.Petrovtyń «A naposledok ıa skajý», «Lıýbov prekrasnaıa strana», B.Fomınniń «Tolko raz» jáne t.b. barshanyń súıikti ánderi shyrqalady. Sheteldik kompozıtorlardyń shyǵarmashylyǵy O.Farres-tiń «Quizas, Quizas, Quizas», T.Ferro-nyń «Mi sono innamorato di te», A.C.Jobim-niń «The girl from Ipanema» jáne t.b. keremet kompozıtsııalarmen usynylǵan.
Ataqty vokalıske QR Memlekettik Kúzet Qyzmeti prezıdenttik orkestriniń solısteri, aspapshy-dostary – respýblıkalyq baıqaýlardyń laýreaty Jánibek Saparov (gıtara) pen QR Tuńǵysh Prezıdenti – Elbasy Qory Syılyǵynyń laýreaty, óner magıstri, respýblıkalyq jáne halyqaralyq baıqaýlardyń laýreaty Jibek Saparǵalıeva (fleıta) qoldaý kórsetpek. Olardyń oryndaýynda qazaqtyń halyq ánderi «Bir bala», «ıApýraı», sonymen qatar M.Petrenkonyń «Vals», «Beregıs avtomobılıa» kınofılminen A.Petrovtyń áýeni, A.Pıatstsollanyń «Lıbertango» shyǵarmalary jáne t.b. shyrqalmaq.
Saltanat Ahmetovanyń Italııadaǵy Vokaldyq óner akademııasynda (Accademia d’Arte Lirica, Ozımo q., 2009) mashyqtanýdan ótkenin atap ótken jón. Ánshi Vınchentso De Vıvo, Serdjıo Segalını, Alberto Dzedda, Djannı Tangýchchı, Krıstına Mýtı, Raına Kabaıvanska, Lella Kýberlı, Ýılıam Matteýtsı, Sılvııa Sash, Antonıo ıÝvarra, Stefano Demıkelı, Harrıet Loýson, Karlo Morgantı syndy ataqty maestrolardyń sheberlik sabaqtarynan tálim alǵan.
