Úlken Naryndaǵy anasy men balalarynyń ólimine qatysty is prokýratýranyń baqylaýynda

ASTANA. QazAqparat - Qatonqaraǵaı aýdanyna qarasty Úlken Naryn aýylyndaǵy jeke úılerdiń birinen anasy men onyń eki kishkentaı qyzynyń máıiti tabylǵan bolatyn. Atalǵan isti ShQO prokýrory erekshe nazaryna aldy, dep habarlaıdy «QazAqparat» HAA tilshisi.

Aldyn ala belgili bolǵandaı, Úlken Naryn aýylynyń turǵyny óz úıinen áıeli men eki balasynyń (8 aılyq jáne 10 jastaǵy) máıitin taýyp alǵan. Áıeldiń denesi jipke asylyp turǵan jerinen tabylǵan. Al balalardyń denesinen kesilgendigin rastaıtyn izder anyqtalǵan.

Atalǵan oqıǵa boıynsha QR QK-niń «eki nemese odan da kóp kisini óltirý» baby boıynsha sotaldy tergeý amaldary bastaldy.

«ShQO prokýratýrasy isti erekshe baqylaýǵa aldy. Oqıǵa ornynda jedel-tergeý toby jumys júrgizip jatyr. Protsessýaldyq prokýror taǵaıyndaldy. Oqıǵanyń mán-jaıy anyqtalý ústinde», - dep habarlaıdy oblystyq prokýratýra.