Úlken qurylysqa qomaqty ınvestıtsııa qajet — Prezıdent
ASTANA. KAZINFORM — Sheteldik ınvestorlar quıǵan qomaqty qarjy nátıjesinde elimizdiń barlyq óńirinde jańa óndiris nysandary men jumys oryndary ashylyp jatyr. Bul týraly birinshi shaqyrylymdaǵy Quryltaıdyń birinshi sessııasyn ashqan Memleket basshysy Qasym-Jomart Toqaev aıtty.
Prezıdenttiń aıtýynsha, ekonomıkada irgeli reformalar qolǵa alyndy. Azamattardyń ál-aýqatyn arttyrý basty mindet retinde belgilendi.
Indýstrııalandyrý qarqyn alyp, ekonomıkanyń jańa óndiristik negizi aıqyndalyp keledi.
— Memleket jáne sheteldik ınvestorlar quıǵan qomaqty qarjynyń nátıjesinde barlyq óńirde jańa óndiris nysandary men myńdaǵan jumys orny ashylyp jatyr, — dep atap ótti Qasym-Jomart Toqaev.
Qazaqstanda halyq turmysy men ekonomıkalyq ósim úshin asa qajetti kommýnaldyq, kólik, energetıka jáne sý ınfraqurylymdaryn jańǵyrtý úderisi bastaldy.
— Sizder, depýtattar, saılaýaldy úgit-nasıhat jumystary kezinde el ishin aralap, Qazaqstannyń birte-birte alyp qurylys alańyna aınalyp kele jatqanyna kýá boldyńyzdar. Alaıda úlken qurylysqa qomaqty ınvestıtsııa qajet. Memleket te budan tys qalmaýǵa tıis, — dedi Memleket basshysy.
Eske sala ketsek, Astanada Prezıdenttiń qatysýymen birinshi shaqyrylymdaǵy Quryltaıdyń birinshi sessııasy ashyldy.
Buǵan deıin Qasym-Jomart Toqaev Quryltaıdyń alǵashqy quramyna aıryqsha jaýapkershilik júkteletinin aıtqan edi.
