Úlken Djordj Býsh shuǵyl aýrýhanaǵa jetkizildi
ASTANA. QazAqparat - Amerıkalyq Hıýstonda AQSh-tyń eks-prezıdenti úlken Djordj Býsh aýrýhanaǵa jatqyzyldy, dep habarlaıdy KHOU telearnasy AQSh-tyń burynǵy basshysynyń ókiline silteme jasap.
BAQ úlken Djordj Býshtyń ómirine esh qaýip tónip turmaǵandyǵyn málimdeýde. Onyń ne sebepti aýrýhanaǵa túskendigi ázirge belgisiz. Burynǵy amerıkalyq kóshbasshynyń ókili habarlaǵandaı, Býsh birneshe kúnnen keıin úıine oralady.
Djordj Gerbert Ýooker Býsh 1924 jyly 12 maýsymda Massachýsetste dúnıege keldi. 1989-1993 jyldar aralyǵynda ol Amerıka Qurama Shtattarynyń 41-shi prezıdenti bolǵan.
