Úlken Dj. Býshta qonaqta bolýym AQSh prezıdentimen kezdesý barysynda jaqsy áńgi meniń órbýine septigin tıgizdi- N. Nazarbaev
A. Qarashanyń 13-i. QazAqparat /Qanat Mámetqazyuly/ ‑ Úlken Dj. Býshta qonaqta bolýym AQSh prezıdentimen kezdesý barysynda jaqsy áńgimeniń órbýine septigin tıgizdi. Búgin Qazaqstan Respýblıkasynyń Prezıdenti Nursultan Nazarbaevtyń respýblıkalyq telearnalar boıynsha ótken tikeleı jelidegi suhbatynda osylaı aıtty, dep habarlaıdy QazAqparat.
«Sizdiń sheteldik saparlaryńyz barysynda qandaı oqıǵalar este qaldy?» degen almatylyq turǵyn saýalyna Memleket basshysy 2006 jyly AQSh-qa resmı sapary barysynda oryn alǵan oqıǵany esine aldy. «Meni AQSh prezıdentimen kezdesýimniń aldynda onyń ákesi Úlken D. Býsh óziniń «ranchosyna» shaqyrǵan bolatyn. Bizdiń aramyzda jaqyn dostyq qatynas ta ornaǵan. Kelgen kúni keshke deıin biz áńgimelesip, túrli máselelerdi eske aldyq. Sol kúni dosymnyń úıine qonyp shyqtym. Tańerteń tursam, Úlken Býsh muhıt jaǵasynda demalyp otyr eken. Biz ózara taǵy áńgimelestik. Ol prezıdentpen kezdesýimniń aldynda ózine suraǵym bar-joǵyn bilgisi keldi. Men eshqandaı suraq joq ekendigin, ózimniń eski dosyma tek qonaq retinde kelgendigimdi aıttym. Ol prezıdenttiń ákesi bolǵanymen de, AQSh-tyń qarapaıym azamaty ekendigin aıtyp, «sonda da sen kishi Býshpen kezdeskende «41 43-ke (41-shi prezıdent 43-inshi prezıdentke) jaqyn senbide baryp ákeńdi tanytamyn» dep sálem aıtty de. Dál osylaı aıt», dedi Úlken Dj. Býsh. Men AQSh Prezıdentimen kezdesý barysynda ákesiniń balasyna aıtqan sálemin týra sol qalpynda jetkizdim. Osyndaı ázilden keıin bizdiń AQSh prezıdentimen bolǵan áńgimemiz jaqsy órbip ketti», dedi N. Nazarbaev.
«Shyndyǵynda bundaı kezdesýlerde kelissózder ońaı ótpeıdi. Biraq, elderdi bir-birimen jaqyndastyrý barysynda kóptegen oqıǵalar, onyń ishinde este jaqsy saqtalatyn jaǵdaılar jıi kezdesedi», dedi Elbasy.
