«Úlken dýlyǵanyń» alǵashqy kúninde qazaqstandyq balýandardyń joly bolmady
ASTANA. QazAqparat - Ázerbaıjan astanasy Baký qalasynda dzıýdodan týrnıriniń alǵashqy kúni aıaqtaldy, dep habarlaıdy QazAqparat tilshisi.
Bul kúni tatamıge Qazaqstannan 7 dzıýdoshy shyqty. Іrikteý kezeńinde beseýi súrinse, qalǵan ekeýi jarysty besinshi orynmen aıaqtady. Olar - Ǵusman Qyrǵyzbaev (60 kg) men Sevara Nyshanbaeva (57 kg).
Ǵusman Qyrǵyzbaev alǵashqy aınalymda vengrııalyq Szabo Shabýdy ıpponmen utyp, ekinshi beldesýin Ázerbaıjan sportshysy Orhan Safarovqa qarsy ótkizdi. Safarovpen ótken beldesý óte tartysy dese de bolady. Negizgi ýaqytta teń túsken balýandar shyn myqtyny golden skorda (qosymsha ýaqytta) anyqtady.
Golden skorda ázerbaıjandyq Orhan Safarov sylbyr kúreskeni úshin úshinshi shıdosyn alyp, jarystan shyqty da, Ǵusman Qyrǵyzbaev jartylaı fınalǵa joldama aldy. Jartylaı fınalda japon dzıýdoshysy Shıshıme Torýmen kezdesip, beldesý barysynda otandasymyz tatamıge basymen túskendikten (erejege sáıkes, mundaı jaǵdaıda dzıýdoshynyń moıny/jelkesi/basyna zaqym kelmes úshin jarystan shyǵarady) jarysty toqtatyp, jeńis Shıshıme Torýǵa berildi. Nátıjesinde, Ǵusman Qyrǵyzbaev jubanysh beldesýde qola medal úshin kúrecke shyqty. Onda ol ıAnıslav Gerchevten (Bolgarııa) jeńilip, jarysty besinshi orynmen aıaqtady.
57 kelide synǵa túsken qazaqstandyq Sevara Nyshanbaeva jarysty ekinshi beldesýden bastady. Ol Leıla Shahındi (Ázerbaıjan) ıpponmen utyp, jartylaı fınalda taıpeı qyzy Lıen Chen-Lınnan jeńilis tapty. Jubanysh beldesýinde «qolaǵa» kúresýge múmkindik aldy. Biraq Nelson Levı Tımnamen (Izraıl) beldesken Sevara Nyshanbaeva jeńiliske ushyrady. Nátıjesinde, otandasymyz «Úlken dýlyǵa» týrnırinde besinshi orynǵa jaıǵasty.
Álemniń 31 elinen 183 sportshy qatysatyn bul dodada Qazaqstan ulttyq quramasynan 14 dzıýdoshy el namysyn qorǵaıdy .
