«Úlken dýlyǵa»: Qazaqstandyq úsh tennısshi jarys jolynan shyǵyp qaldy - Avstralııa
ASTANA. 14 qańtar. QazAqparat - Avstralııada tennısten jyldyń alǵashqy «Úlken dýlyǵa» jarysy bastaldy. Alǵashqy kúni kortqa úsh qazaqstandyq tennısshi shyǵyp, úsheýi de jekeleı syndaǵy jarystaryn aıaqtady.
Mıhaıl Kýkýshkın (álemniń 67 raketkasy) kolýmbııalyq Alehandro Falladan (83) utyldy - 7:6, 2:6, 2:6, 3:6
Al Andreı Golýbev shveıtsarııalyq Stanıslav Vavrınkamen kezdesip, birinshi sette 6:2 esebimen utylǵan. Ekinshi settegi nátıje 4:1-ge jetkende jaraqat alyp, kezdesýden bas tartty.
Jaqynda ǵana Qazaqstanǵa Ýkraınadan kelgen Aleksandr Nedovesov cheh Tomash Berdyhtan asa almady.
Áıelder arasyndaǵy básekege qazaqstandyqtar búgin shyǵady. Degenmen, jarystyń alǵashqy kúni amerıkalyq Vınýs Ýılıams reseılik Elena Makarovaǵa jol berdi, dep habarlaıdy «Alaman».
Álemniń altynshy raketkasy cheh Petra Kvıtova jıyrmadaǵy taı Lýksıka Kýmhýmnan utylyp qaldy. Jetinshi raketka ıtalıandyq Sara Erranı eki sette nemis Jýlııa Djorgesten jeńildi. Taǵy bir ıtalıandyq on ekinshi raketka Roberto Vınchı qytaılyq Djen Djıden aılasyn asyra almady.
