«Úlken dýlyǵa» týrnıri: Novak Djokovıch sońǵy 20 jylda alǵash ret birinshi aınalymnan asa almady
ASTANA. KAZINFORM — Tennısten Nıý-Iork qalasynda ótip jatqan AQSh ashyq chempıonatynda alǵashqy sensatsııa tirkeldi.
«Úlken dýlyǵa» týrnırleriniń 24 dúrkin chempıony, álemniń 5-raketkasy, 39 jastaǵy serbııalyq Novak Djokovıch bastapqy aınalymda reıtıngide 49-oryndaǵy argentınalyq Marıano Navonege ese jiberdi — 6:7 (5:7), 7:5, 6:4, 2:6, 1:6.
Asa tartysty ótken match 4 saǵat 40 mınýtqa sozyldy. Bul Novak Djokovıchtiń sporttyq jolynda alǵashqy aınalymda eń uzaqqa sozylǵan báseke edi. Sonymen qatar serbııalyq tennısshi sońǵy 20 jylda birinshi ret «Úlken dýlyǵa» jarysynyń ekinshi aınalymyna shyǵa almady.
Novak Djokovıch 2006 jyly Aýstralııa ashyq chempıonatynyń alǵashqy aınalymynda amerıkalyq Pol Goldstınge jol bergen edi. Sol sátsizdik araǵa jıyrma jyl salyp, búgin qaıtalandy.
Eske sala keteıik, budan buryn AQSh ashyq chempıonatynda Aleksandr Shevchenkonyń bes settik matchta jeńilip qalǵanyn jazǵan edik.
AQSh ashyq chempıonatynda Aleksandr Býblık alǵashqy jeńisine qol jetkizdi.
