Úlken dýlyǵa: Novak Djokovıch rekord jańartty

ASTANA. KAZINFORM — «Úlken dýlyǵa» týrnıriniń 24 dúrkin chempıony, serbııalyq Novak Djokovıch ATP reıtıngisinde jyldy álemniń 4-raketkasy retinde qorytyndylady.

Serbııalyq tennısshi maýsymdy álemniń úzdik tórt tennısshisi qatarynda osymen 16-ynshy ret túıindep otyr. 

Bul kórsetkish jóninen Novak «Úlken dýlyǵa» týrnıriniń 20 dúrkin jeńimpazy, shveıtsarııalyq Rodjer Federerdi basyp ozyp, rekordtyq nátıjege qol jetkizdi.

Bıylǵy maýsymda Novak Djokovıch barlyq tórt «Úlken dýlyǵa» jarysynyń jartylaı fınalyna deıin jetti. Jeneva men Afınyda ATP 250 sanatyndaǵy dodalarda úzdik shyqty.

Biraq jaraqatyna baılanysty Týrındegi jyldyń qorytyndy týrnırine qatysa almaı qaldy. 

Týrındegi týrnırde qosymsha oıynshy retinde tirkelgen qazaqstandyq tennısshi Aleksandr Býblık birde-bir oıynǵa qatysa almasa da, 155 myń AQSh dollary (81,3 mln teńge) kóleminde tabys tapty.

A.Býblık búgin jańartylǵan reıtıngide óziniń úzdik kórsetkishi – 11-ornyn saqtap qaldy.

Eske sala keteıik, budan buryn Novak Djokovıchtiń jyldyń qorytyndy týrnırinde oınaýdan bas tartqanyn jazǵan edik.

Sondaı-aq jyldyń qorytyndy týrnırin utqan ıtalııalyq tennısshi biregeı nátıjege qol jetkizdi.